Asian Games Day 8 Updates: એશિયન ગેમ્સનો આજે 14મો દિવસ છે. ભારતે છેલ્લા 13 દિવસમાં કુલ 95 મેડલ જીત્યા હતા. એશિયન ગેમ્સમાં ભારતનું આ સર્વશ્રેષ્ઠ પ્રદર્શન છે. ભારતે પહેલા દિવસે પાંચ, બીજા દિવસે છ, ત્રીજા દિવસે ત્રણ, ચોથા દિવસે આઠ, પાંચમા દિવસે ત્રણ, છઠ્ઠા દિવસે આઠ, સાતમા દિવસે પાંચ, આઠમા દિવસે 15, નવમા દિવસે સાત, દસમા દિવસે નવ, 11મા દિવસે 12, 12મા દિવસે વધુ પાંચ. 13મા દિવસે નવ મેડલ જીત્યા હતા.
ક્રિકેટ ટીમને ગોલ્ડ મેડલ મળ્યો
ભારતીય પુરૂષ ક્રિકેટ ટીમને પણ ગોલ્ડ મેડલ મળ્યો છે. ફાઈનલ મેચમાં ભારતનો સામનો અફઘાનિસ્તાન સામે થયો હતો. પ્રથમ બેટિંગ કરતા અફઘાનિસ્તાને 18.5 ઓવરમાં પાંચ વિકેટ ગુમાવીને 112 રન બનાવ્યા હતા. આ પછી વરસાદના કારણે આગળની રમત રમાઈ શકી ન હતી અને વધુ સારી સીડીંગના આધારે ભારતને વિજેતા જાહેર કરવામાં આવ્યું હતું. ટીમ ઈન્ડિયાને ગોલ્ડ મેડલ મળ્યો. જ્યારે અફઘાનિસ્તાને સિલ્વરથી સંતોષ માનવો પડ્યો હતો.
સાત્વિક-ચિરાગે જીત્યો ગોલ્ડ
સાત્વિક-ચિરાગની જોડીએ બેડમિન્ટન મેન્સ ડબલ્સમાં ગોલ્ડ મેડલ જીત્યો છે. એશિયન ગેમ્સમાં ભારતે પ્રથમ વખત બેડમિન્ટનમાં ગોલ્ડ મેડલ જીત્યો છે. આ જોડીએ ગયા વર્ષે કોમનવેલ્થ ગેમ્સમાં ગોલ્ડ અને વર્લ્ડ ચેમ્પિયનશિપમાં બ્રોન્ઝ મેડલ જીત્યો હતો. હવે બંનેએ એશિયન ગેમ્સમાં પણ ઈતિહાસ રચ્યો છે.
