વડોદરા હાઈપ્રોફાઇલ દુષ્કર્મ કેસમાં સંડોવાયેલા આરોપી રાજુ ભટ્ટને આજે કોર્ટ સમક્ષ હાજર કરવામાં આવ્યો. પોલીસે આરોપી રાજુ ભટ્ટના 14 દિવસના રિમાન્ડની માંગણી કરી હતી.. જેની સામે કોર્ટે આરોપી રાજુ ભટ્ટના 3 દિવસના રિમાન્ડ મંજૂર કર્યા છે. 3 ઓકટોબર બપોરે 1 વાગ્યા સુધી આરોપી પોલીસ રિમાન્ડમાં રહેશે. વકીલ જગત દેસાઇએ આરોપી રાજુ ભટ્ટ તરફે દલીલો કરી હતી. આ પહેલા રાજુ ભટ્ટને ગોત્રી હોસ્પિટલમાં મેડિકલ તપાસ માટે લઈ જવાયો હતો, જ્યાં તેનાં સ્પર્મ સેમ્પલ લેવામાં આવ્યાં હતાં. એને સુરત FSLમાં તપાસ માટે મોકલી આપવામાં આવ્યાં છે.
ક્રાઈમ બ્રાન્ચ પોલીસે રિમાન્ડ માટે કોર્ટમાં મુદ્દા રજૂ કર્યા કે, 4 સપ્ટેમ્બરના રોજ રાજુએ દુષ્કર્મ કરેલું એ રૂમમાં સ્પાઈ કેમેરા લાગેલા હતા. કોણે લગાવ્યા હતા તે તપાસનો વિષય છે. 5 સપ્ટેમ્બરે દુષ્કર્મના ફોટા વાયરલ કરેલા એ કોણે કર્યા, સહારા ઇન્ડસ્ટ્રીઝ ડિલ મામલે પણ તપાસ કરવાની છે, કોને સાથે રાખી સમાધાન ના પ્રયાસ કર્યા , કોણે કોણે આશરો આપ્યો એ તાપસ કરવાની છે. 14 દિવસ ના રિમાન્ડની માંગ કરાઈ.
બીજી તરફ આરોપીના વકીલે દલીલ કરી કે, રિકન્સ્ટ્રકસન ક્યારે થાય ? આરોપી બળાત્કાર કરવાની વાત નકારી કાઢી છે તો 14 દિવસ ના રિમાન્ડ કેમ ? બળાત્કાર પહેલા સ્પાઈ કેમેરા કોણે લગાવ્યા ? તે પોલીસ એ શું તપાસ કરી. યુવતીએ તેના કપડાં ફાડી નાંખ્યાની અને માર મારયાની હકીકત પોલીસને જણાવી હતી.
