કચરામાંથી ઉત્પન્ન થશે વીજળી, અમિત શાહે અમદાવાદમાં શરૂ કર્યો ગુજરાતનો સૌથી મોટો પ્લાન્ટ, જાણો કેટલી ક્ષમતા
કેન્દ્રીય ગૃહ પ્રધાન અમિત શાહ, જેઓ તેમના ગૃહ રાજ્ય ગુજરાતની દિવાળીની મુલાકાતે હતા, તેમણે શુક્રવારે રાજ્યના સૌથી મોટા વેસ્ટ ટુ એનર્જી પ્લાન્ટનું ઉદ્ઘાટન કર્યું હતું. 15 મેગાવોટની ક્ષમતા ધરાવતા આ પ્લાન્ટમાં વીજળી ઉત્પન્ન કરવા માટે ઘન કચરાનો ઉપયોગ કરવામાં આવશે. પ્લાન્ટનું ઉદ્ઘાટન કરતા પહેલા ગૃહમંત્રી અમિત શાહે તેનું નિરીક્ષણ કર્યું હતું અને તેની કામગીરી વિશે પૂછપરછ કરી હતી. આ પ્રસંગે રાજ્યના મુખ્યમંત્રી ભૂપેન્દ્ર પટેલ પણ ઉપસ્થિત રહ્યા હતા.
