પ્રાપ્ત માહિતી અનુસાર સુરતના કતાર ગામ ખાતે આવેલા લક્ષ્મી રેસિડેન્સીમાં આઠમા માળે ફ્લેટની બાલ્કનીમાં બાળક રમી રહ્યો હતો ત્યારે દરમિયાન તે ગ્રિલ પર ચડી જાય છે. આ દરમિયાન પરિવારના કોઇ સભ્યો આસપાસ દેખાઇ રહ્યા નથી. રમત-રમતમાં તે પોતાના શરીરનું બેલેન્સ ગુમાવી દે છે. જેના લીધે બાળક નીચે પટકાય છે અને તેનું કરૂણ મોત નિપજ્યું છે. આ સમગ્ર ઘટના સીસીટીવીમાં કેદ થઇ હતી.
હાલમાં આ વિડીયો ખૂબ વાયરલ થઇ રહ્યો છે. આ ઘટના માતા-પિતા અને બિલ્ડર્સ માટે લાલ બત્તી સમાન છે. હાલમાં શહેરોમાં મોટાભાગે ફ્લેટ અને હાઇરાઇઝ બિલ્ડીંગ નિર્માણ પામતી હોય છે પરંતુ તેમાં ગ્રીલની વ્યવસ્થા હોતી નથી. ત્યારે આ પ્રકારના કિસ્સા સર્જાતા હોય છે. સમગ્ર ઘટના પ્રકાશમાં આવતાંની સાથે જ કતારગામ પોલીસે અકસ્માતે મોતનો ગુનો નોંધી તપાસ શરૂ કરી છે.
