કોરોનાકાળમાં લોકોને મહામારીના લીધે મોતનો ડર સતાવી રહ્યો છે. પરંતુ ક્યારેય એવું વિચાર્યું નહી હોય કે મોત કોઇપણ રૂપમાં આવી શકે છે. સૌરાષ્ટ્રથી સુરત પરત ફરી રહેલા યુવકોની સાથે પણ આવું જ કંઇક થયું. તે કોરોનાના દર્દીઓની સેવા કરીને સુરત પરત ફરી રહ્યા હતા, ત્યારે વડોદરા નજીક હાઇવે પર તેમની કાર ડિવાડર કૂદીને સામે તરફ પલટી ખાઇ જતાં સુરતના વોર્ડ નંબર 14 માતાવાડીના આમ આદમી પાર્ટીના ઉમેદવાર અશોક ગોદાણીનું વડોદરા નજીક અકસ્માતમાં મોત થયું છે. તેમની સાથે અન્ય સેવા કરવા ગયેલા 2 યુવાનના મોત નિપજ્યા છે.
