અંડરગ્રાઉન્ડ કેબલ નાખતી વખતે અંડરગ્રાઉન્ડ ગેસ પાઇપલાઇનમાં તિરાડ પડતાં અચાનક આગ ફાટી નીકળી હતી. આગના કારણે 4 લોકો દાઝી ગયા હતા અને 5 દુકાનો સંપૂર્ણપણે બળીને રાખ થઈ ગઈ હતી. આ ઘટના ગોડાદરા સિનેમા રોડ પર બની હતી. ઘાયલોમાં 2 બાળકો અને તેમના માતા-પિતા સહિત એક જ પરિવારના 4 સભ્યોનો સમાવેશ થાય છે. માતા-પિતાને સામાન્ય ઈજા થઈ હતી, જ્યારે બાળકો વધુ ગંભીર રીતે દાઝી ગયા હતા. તમામ ઇજાગ્રસ્તોને તાત્કાલિક સારવાર માટે હોસ્પિટલમાં ખસેડવામાં આવ્યા હતા.
