રાજ્ય સરકારના રમતગમત યુવા અને સાંસ્કૃતિ પ્રવૃત્તિઓ વિભાગ-ગાંધીનગરના હેઠળની કમિશનરશ્રી, યુવક સેવા અને સાંસ્કૃતિક પ્રવૃતિઓ- ગાંધીનગર તથા જિલ્લા યુવા વિકાસ અધિકારી (સુરત) કચેરીના સંયુક્ત ઉપક્રમે તા. ૨૬,૨૭,૨૮ ફેબ્રુ. દરમ્યાન કામરેજ તાલુકાના વલથાણ ખાતે એસ. યુ. વી. ઈન્ટરનેશનલ સ્કૂલમાં ત્રિ-દિવસીય રાજ્યકક્ષાની નવરાત્રિ રાસ-ગરબા સ્પર્ધા યોજાશે.
ભાગ લેનાર દરેક કલાવૃંદોને રાજ્ય સરકાર દ્વારા પ્રોત્સાહન ઈનામ પેટે રૂ ૧૫૦૦ રોકડ પુરસ્કાર અપાશે. આ ઉપરાંત પ્રાચીન, અર્વાચીન ગરબા તથા રાસમાં વિજેતા કલાવૃંદોમાં પ્રથમ ક્રમે રૂ ૫૧,૦૦૦, દ્વિતીય ક્રમે રૂ. ૪૧,૦૦૦ તથા તૃતિય ક્રમે વિજેતાને રૂ. ૩૧,૦૦૦ રોકડ પુરસ્કાર તથા પ્રમાણપત્ર એનાયત કરવામાં આવશે. તમામ કલાકારોને કાર્યક્રમની યાદગીરી રૂપે ‘લ્હાણી’ પણ આપવામાં આવશે.
