“ગીફટ એન ઓર્ગન”સપ્તાહના ઉજવણીના ભાગરૂપે સીઆઈઆઈની યુથ વિંગ, યંગ ઈન્ડીયન્સ (YI)ના અમદાવાદ ચેપ્ટર દ્વારા રવિવારે અંગદાન અંગેજાગૃતિ માટે બાઈક રેલીનુ આયોજન કરવામાં આવ્યું છે. આ રેલીનો ઉદ્દેશ વધુને વધુ લોકો અંગદાન કરવાપ્રેરાય તે માટે જાગૃતી પ્રસરાવવાનો અને અંગદાન સાથે સંકળાયેલી ખોટી માન્યતાઓ અનેદ્વિધા દૂર કરવાનો છે.
આ રેલીનો પ્રારંભ તા. 11 ઓગસ્ટના રોજ સવારે 6-30 કલાકે સિમ્સ હૉસ્પીટલથી થશે.આ રેલી સાયન્સ સીટી ચાર રસ્તા, બોપલ ચાર રસ્તા, ઈસ્કોન -આંબલી રોડ, ઈસ્કોન ચાર રસ્તા અને શીવરંજની ચાર રસ્તા થઈને છેલ્લે સિમ્સ હૉસ્પીટલ ખાતે તેનુ સમાપન થશે. રેલી પછી સિમ્સ હૉસ્પીટલના નિષ્ણાતો બાઈકર્સને અંગદાનના મહત્વ અંગે તથા અન્ય વિષયો અંગે સંબોધન કરશે.
