ભારતમાં ઘૂસવાનો પ્રયાસ કરતો પાકિસ્તાની નાગરિક બીએસએફ દ્વારા પકડાયો

પાટણ જિલ્લાના સાંતલપુરમાં બીએસએફએ આંતરરાષ્ટ્રીય સરહદ પર એક પાકિસ્તાની નાગરિકને પકડી પાડ્યો. પકડાયેલ વ્યક્તિ ભારતીય સરહદમાં ગેરકાયદેસર રીતે પ્રવેશવાનો પ્રયાસ કરી રહ્યો હોવાનું કહેવાય છે.

પકડાયેલ પાકિસ્તાની નાગરિકની ઓળખ મોહમ્મદ નવાઝ તરીકે થઈ છે, જેની ઉંમર આશરે 49 વર્ષ છે. પ્રાથમિક માહિતી મુજબ તે પાકિસ્તાનના ચિનિયોટનો રહેવાસી છે.

બીએસએફની ટીમ સાંતલપુર તાલુકાના અવલ ગામ નજીક પરવાના-બીઓપી વિસ્તારમાં પેટ્રોલિંગ કરી રહી હતી. નવાઝને પિલર નંબર 981 નજીકથી પકડવામાં આવ્યો હતો. બાદમાં તેને સાંતલપુર પોલીસ સ્ટેશનને સોંપવામાં આવ્યો હતો. તે હાલમાં કસ્ટડીમાં છે અને તેની પૂછપરછ કરવામાં આવી રહી છે