ડી-સ્ટાફે પાર્ટી પ્લોટમાં રેડ પાડીને દારૂના નશામાં ઝૂમી રહેલા યુવકો અને ત્રણ મહિલાઓની ધરપકડ કરી હતી. પોલીસે ઘટનાસ્થળેથી દારૂની ખાલી બોતલો, ગ્લાસ, બરફ, પાણીની બોટલો, 9 મોબાઇલ અને કેશ સહિત 3.68 લાખનો સામના જપ્ત કર્યો છે. પોલીસે દારૂની પાર્ટીનું આયોજન કરનાર મહિલાની પણ ધરપકડ કરી હતી, પરંતુ ગર્ભવતી હોવાના લીધે તેણે દારૂનું સેવન કર્યું ન હતું. ધરપકડ કરવામાં આવેલા દારૂડિયા મોટાભાગે એકબીજાના સંબંધીઓ છે. તેમાં ત્રણ દંપત્તિ છે.
પાર્ટી પ્લોટના માલિક પુકાર પટેલ છે. પુકાર પટેલે જ ઉધનામ રેલવે ટ્રેક પાસે દારૂની મંગાવ્યો હતો. જોકે આ વાત ગળે ન ઉતરી, કારણ કે પોલીસની રેડમાં મળી આવેલો દારૂ મોંઘો છે. જેનું ઉધના રેલવે ટ્રેક પર મળવું મુશ્કેલ છે. પોલીસ આ અંગે તપાસ કરી રહી છે.
પોલીસે પાર્ટીમાં દારૂ પીનારા 10 લોકોની ધરપકડ કરીને આગળની કાર્યવાહી તો શરૂ કરી દીધી, પરંતુ ત્યાં ઉભેલી મોંઘી ગાડીઓને કબજામાં લીધી નહી. તેથી પોલીસ કાર્યવાહી સામે સવાલ ઉભા થવા લાગ્યા છે. તમને જણાવી દઇએ કે પોલીસે એરપોર્ટ ફાર્મ હાઉસમાં દારૂની પાર્ટી કરીને ગાડીઓને પણ જપ્ત કરી હતી.
