પ્રાપ્ત માહિતી અનુસાર આ ઘટના અમદાવાદ શહેરના શિવરંજનીના બિમાનગર નજીક સર્જાઇ હતી. હિટ એન્ડ રન કેસમાં લબરમૂછિયાઓ એક કાર રેસ લગાવી રહ્યા હતા. ત્યારે ઇસ્કોન તરફથી ઓવરસ્પીડમાં આવી રહેલી કારે એક જ પરિવારના 5 સભ્યોને ચપેટમાં લીધા હતા. આ પરિવાર ઝૂંપડામાં જમી રહ્યો હતો ત્યારે કાળ બનીને આવી રહેલી કારે આ પરિવારને અડફેટે લેતા 4 લોકોને ગંભીર ઇજા પહોંચી હતી, જ્યારે 1નું મોત નિપજ્યું હતું.
આ અણધાર્યા અકસ્માતમાં 45 વર્ષીય શતુબેનનું મોત નિપજ્યુ હતું, જ્યારે 35 વર્ષીય બાબુભાઈ ભાભોર, જેતન ભાભોર, ચેતન અને સુરેખાને ગંભીર ઇજા પહોંચી હતી. ઘટના બાદ કારમાંથી 4 યુવાનો ઉતરીને ભાગી ગયા હતા. આ યુવકોની ઉંમર 22 થી 25 હોવાનું કહેવામાં આવી રહ્યું છે.
