Gujarat Weather - આ દિવસોમાં ગુજરાતમાં હવામાનનું બેવડું સ્વરૂપ જોવા મળી રહ્યું છે. રાજ્યમાં સવારે અને રાત્રિના સમયે તાપમાનમાં ઘટાડો થાય છે ત્યારે બપોરના સમયે અચાનક તાપમાન વધી જાય છે. હાલમાં ગુજરાતમાં તાપમાન 19-35 ડિગ્રીની વચ્ચે નોંધાયું છે. દરમિયાન હવામાન વિભાગે ફરી એકવાર વરસાદ અને તાપમાનમાં ફેરફારને લઈને મહત્વની આગાહી કરી છે. રાજ્યમાં 27 ફેબ્રુઆરીથી 1 માર્ચ સુધી વરસાદની સંભાવના છે.
હવામાન વિભાગના જણાવ્યા અનુસાર ગુજરાતમાં 27 ફેબ્રુઆરીથી 1 માર્ચ દરમિયાન હળવા વરસાદની શક્યતા છે. જો કે, આ માટે ઘણી ઓછી આશા છે. વેસ્ટર્ન ડિસ્ટર્બન્સના કારણે તાપમાનમાં ફેરફારની શક્યતા હવામાન વિભાગે વ્યક્ત કરી છે.
