"ડિજિટલ એરેસ્ટ" ના નામે સાયબર છેતરપિંડીના એક ચોંકાવનારા કેસમાં, 84 વર્ષીય નિવૃત્ત સરકારી અધિકારી અને તેમની પત્નીને રૂ. 1.50 કરોડ (આશરે 1 .5 મિલિયન ડોલર) ની મોટી રકમ ગુમાવતા બચાવી લેવામાં આવ્યા. જોકે, ત્યાં સુધીમાં, દગાબાજોએ બે દિવસમાં તેમની સાથે 42 લાખ રૂપિયા ની કરી હતી. બેંક મેનેજરની સતર્કતા અને પોલીસ અધિકારીની ત્વરિત કાર્યવાહીથી આ નોંધપાત્ર નુકસાન થતું અટક્યું. 8 ડિસેમ્બરે છેતરપિંડી શરૂ થઈ, જ્યારે વૃદ્ધ વ્યક્તિને વોટ્સએપ કોલ મળ્યો. ફોન કરનારે, જે પોતાને પ્રદીપ કુમાર તરીકે ઓળખાવતો હતો, તેણે કોર્ટ સંપર્ક અધિકારી હોવાનો દાવો કર્યો. તેણે વૃદ્ધ વ્યક્તિને જાણ કરી કે તેમના નામ એક ખાનગી એરલાઇન સાથે સંકળાયેલા મની લોન્ડરિંગ કેસમાં સામે આવ્યા છે અને તેમને ઓનલાઈન કોર્ટમાં હાજર થવું પડશે. ફોન કરનારે દંપતીને તેમના ઘરની બહાર ન નીકળવા અને કોઈને પણ અંદર ન જવા દેવાની સૂચના પણ આપી.
વીડિયો કોલ પર નકલી કોર્ટ
થોડા સમય પછી, દંપતી એક વીડિયો કોલ દ્વારા કનેક્ટ થયું, જ્યાં જજ, વકીલો અને કોર્ટ સ્ટાફ સ્ક્રીન પર દેખાઈ રહ્યા હતા. પરિવારના સભ્યો કહે છે કે ફોન કરનારે, ન્યાયાધીશ તરીકે પોતાને રજૂ કરીને, તેમના નામે ખોલવામાં આવેલા 227 બેંક ખાતાઓ વિશે પૂછપરછ કરી. દંપતીએ ના પાડી, પરંતુ જો તેઓ સહકાર નહીં આપે તો ગંભીર કાનૂની કાર્યવાહીની ધમકી આપવામાં આવી. ત્યારબાદ છેતરપિંડી કરનારાઓએ દંપતીને કહેવાતા "ડિજિટલ ધરપકડ" હેઠળ મૂક્યા. વૃદ્ધ વ્યક્તિને ફોન સામે બેસવાનું કહેવામાં આવ્યું, જ્યારે તેની પત્નીને નાણાકીય વ્યવહારોની જવાબદારી સોંપવામાં આવી.
દંપત્તિને ડરાવ્યુ
દગાબાજોએ કહ્યું કે તેમના પૈસાની ચકાસણી કરવાની જરૂર છે અને તપાસ પૂર્ણ થયા પછી જ તેઓ કેસમાંથી મુક્ત થશે. દંપતી ઓનલાઈન બેંકિંગનો ઉપયોગ કરતા ન હોવાથી, તેમને RTGS દ્વારા પૈસા ટ્રાન્સફર કરવાનું કહેવામાં આવ્યું. 9 ડિસેમ્બરે, મહિલા એક બેંકમાં ગઈ અને રૂ. 21 લાખ ટ્રાન્સફર કર્યા. બીજા દિવસે, તેઓએ બીજી બેંકમાંથી 21 લાખ ટ્રાન્સફર કર્યા. કારણ કે દગો કરનારાઓ પાસે તેમના ખાતાઓ વિશે સંપૂર્ણ માહિતી હતી, તેથી દંપતી માનતા હતા કે તે એક કાનૂની પ્રક્રિયા છે
દોઢ કરોડ પર પડી સાઈબર ઠગોની નજર
ત્યારબાદ દગો કરનારાઓની નજર 1.5 કરોડ રૂપિયા પર પડી. જે તાજેતરમાં એક મિલકતના વેચાણમાંથી દંપતીના બીજા ખાતામાં આવ્યા હતા. જ્યારે મહિલાએ આટલી મોટી રકમ ટ્રાન્સફર કરવામાં અચકાઈ, ત્યારે તેઓએ કેસ અને ભારે દંડની ધમકી આપી. ગભરાયેલી મહિલા બેંકમાં દોડી ગઈ, પરંતુ બેંક મેનેજરને વ્યવહાર શંકાસ્પદ લાગ્યો. મેનેજરે એક પોલીસ અધિકારીને ફોન કર્યો, જે મહિલા સાથે તેના ઘરે ગયા અને પરિસ્થિતિનું મૂલ્યાંકન કર્યું. પોલીસ અધિકારીને જોતા, દગાવાજી કરનારાઓએ વીડિયો કોલ ડિસ્કનેક્ટ કર્યો. ત્યારબાદ અધિકારીએ દંપતીને ફ્રોડ વિશે જાણ કરી અને સાયબર ક્રાઈમ હેલ્પલાઈનનો સંપર્ક કરવામાં મદદ કરી. દંપતીએ રાષ્ટ્રીય સાયબર ક્રાઈમ પોર્ટલ પર ફરિયાદ નોંધાવી છે.
