ગુજરાત માધ્યમિક અને ઉચ્ચતર માધ્યમિક શિક્ષણ બોર્ડની પરીક્ષામાં વધુ એક છબરડો સામે આવ્યો છે. બોર્ડ દ્વારા લેવાઈ રહેલી ધોરણ 12ની પરીક્ષામાં સંસ્કૃતના પેપરમાં જૂના કોર્સમાંથી પ્રશ્નો પૂછાયા હતા. હવે આ પેપર ફરીવાર લેવામાં આવશે. આ પેપર આગામી 29મી તારીખે લેવાશે તેમ બોર્ડ દ્વારા જણાવવામાં આવ્યુ હતું.ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા હાલ ધોરણ 12ની પરીક્ષા લેવાઈ રહી છે. આ પરીક્ષમાં ગત 20મી તારીખે સંસ્કૃત વિષયના પેપરમાં 90 ટકા જેટલા પ્રશ્નો જુના કોર્સમાંથી પૂછવામાં આવ્યા હતા. કોર્સ બહારનું પૂછાતા વિદ્યાર્થીઓમાં રોષ જોવા મળ્યો હતો અને આ અંગે વાલીઓ દ્વારા આ પેપર ફરીથી લેવા બોર્ડ મેમ્બરોને રજૂઆત કરી હતી. આ રજૂઆત બાદ શિક્ષણ બોર્ડ દ્વારા આ પેપર આગામી 29મી તારીખે લેવાનો નિર્ણય કર્યો છે. ગુજરાત માધ્યમિક અને ઉચ્ચતર માધ્યમિક દ્વારા ધોરણ 12નું સંસ્કૃત વિષયનું પેપર 29મી માર્ચે લેવાનો નિર્ણય કર્યો છે. આ પહેલા આ પેપર 20મી માર્ચના રોજ લેવામાં આવ્યુ હતું જેમાં મોટા ભાગના પ્રશ્નો જુના કોર્સમાંથી પુછાયા હતા જેથી વિદ્યાર્થીઓ મુશ્કેલીમાં મુકાયા હતા. આ પેપરમાં જૂના કોર્સમાંથી પ્રશ્નો પૂછાયા અંગેની રજૂઆત વાલીઓએ કરી હતી અને રોષ પણ જોવા મળ્યો હતો. બોર્ડ દ્વારા આ પેપરની ફરી ચકાસણી કરી હતી જેમાં કોર્સ બહારના પ્રશ્નો પૂછાયા હોવાનું ધ્યાને આવ્યું હતું. આ માટે બોર્ડે આ પેપર ફરીવાર લેવાનો નિર્ણય કર્યો છે. હવે આ પેપર 29મી માર્ચે લેવામાં આવશે. આ વર્ષે સંસ્કૃતમાં 580 જેટલા વિદ્યાર્થીઓએ પરીક્ષા આપી હતી.
