નવા થોરાળામાં ખીજડાવાળા રોડ પર રહેતા મનુભાઇ હીરજીભાઇ પરમાર (ઉ.વ.55) શુક્રવારે સાંજે પોતાની કાર ચલાવીને એસ્ટ્રોન ચોક પાસેથી પસાર થતાં હતા ત્યારે અચાનક જ તેઓ બેભાન થઇ ગયા હતા અને તેમની કાર અન્ય એક કાર સાથે અથડાઇ હતી. ઘટનાને પગલે લોકો એકઠા થઇ ગયા હતા અને અકસ્માત સર્જનાર કાર પાસે લોકો પહોંચ્યા તો કારચાલક મનુભાઇ પોતાની સીટ પર બેભાન હાલતમાં મળી આવ્યા હતા.કારચાલક મનુભાઇને હાર્ટએટેક આવ્યાનું પ્રથમ દૃષ્ટિએ લાગતાં જ લોકોએ તેમને કારની બહાર કાઢ્યા હતા અને સીપીઆર ટ્રીટમેન્ટ આપી પ્રૌઢને બચાવવાનો પ્રયાસ કર્યો હતો.
