થોડા દિવસો અગાઉ મહીસાગરમાં ગર્ભપાતની ઘટનાનો વીડિયો પ્રકાશમાં આવ્યા હવે પાટણ જિલ્લાના સિદ્ધપુર નજીક એક પ્લાસ્ટિકના ડબ્બામાંથી ભૃણ મળી આવ્યા છે. તાવડીયા રોડ પર 13 જેટલા ભૃણ બરણીમાંથી મળી આવતાં ચકચાર મચી જવા પામી છે. આ ઘટના અંગે કાકોશી પોલીસ તથા આરોગ્ય વિભાગને જાણ કરવામાં આવતાં તંત્ર ઘટનાસ્થળે દોડી આવ્યું હતું અને ભૃણનો કબજો લઇ એફએસએલ મોકલી કાર્યવાહી હાથ ધરવામાં આવી છે.
અલગ- અલગ 13 ડબ્બા મળી આવ્યા છે, જે એફએસએલમાં મોકલી આપવામાં આવશે. તેમાં એક ભ્રૂણ જોઈ શકાય છે, પરંતુ બીજા અંગો શું છે તે સ્પષ્ટ થઈ શકતું નથી. કોઈ ડોક્ટર આવી રીતે ખુલ્લામાં ફેંકે નહીં. હવે આ બરણીઓ ત્યાં કઈ રીતે પહોંચી એ તો પોલીસ તપાસનો વિષય છે.
