BJP Candidates List: ભારતીય જનતા પાર્ટી (BJP)એ રાજસ્થાન વિધાનસભા ચૂંટણી માટે ઉમેદવારોની ત્રીજી યાદી જાહેર કરી છે. આ યાદીમાં ભાજપે 58 ઉમેદવારોને ટિકિટ આપી છે. ભાજપે ખંડેલાથી સુભાષ મીલ, વલ્લભનગરથી ઉદય લાલ ડાંગી અને કરૌલીથી દર્શન સિંહ ગુર્જરને ઉમેદવાર બનાવ્યા છે. કોંગ્રેસ છોડીને ભાજપમાં જોડાનાર સુમિત્રા પુનિયાને પણ પાર્ટીએ ટિકિટ આપી છે. ત્રણેય ગઈકાલે એટલે કે બુધવારે ભાજપમાં જોડાયા હતા અને એક દિવસ પછી પાર્ટીએ તેમને ટિકિટ આપી હતી. ત્રીજી યાદીમાં ભાજપે એકપણ સાંસદને મેદાનમાં ઉતાર્યા નથી. પાર્ટીએ જયપુરની હવામહલ બેઠક પરથી મહંત બાલ મુકંદાચાર્ય અને સરદારપુરાથી અશોક ગેહલોત સામે મહેન્દ્ર સિંહ રાઠોડને ટિકિટ આપી છે.
