હવે આ વીડિયો સોશિયલ મીડિયા પર વાયરલ થઈ રહ્યો છે. વ્લોગ બનાવનારી છોકરીએ કહ્યું કે ગામમાં આ ઘર જોઈને તે ચોંકી ગઈ. ઘર વિશે વાત કરતાં યુવતી કહે છે કે બહાર ખૂબ જ ગરમી હોવા છતાં અંદરથી ઠંડક હતી. યુવતીએ જણાવ્યું કે બહારનું તાપમાન 47 ડિગ્રી હતું, પરંતુ ઘરની અંદર તે 20-25 ડિગ્રી હતું. સ્કૂટર પર ગામ ફરવા નીકળેલી આ છોકરીએ ગરમીને કારણે પાણી પીવા માટે અધવચ્ચે જ રોકાવાનું વિચાર્યું અને પછી તેની નજર આ ઘર પર પડી.
તે છોકરી આ ઘર જોવા અંદર ગઈ. ત્યારે ગામમાં રહેતી એક મહિલાએ પાણી આપીને તેમનું સ્વાગત કર્યું. તેણીએ ટ્રાવેલ વ્લોગરને તેનું ઘર સંપૂર્ણ રીતે બતાવ્યું. નાનકડા દરવાજેથી અંદર જતાં જ તે ઘરના બે માળ જોઈને આશ્ચર્યચકિત થઈ ગઈ. તેણીએ સીડી ઉપર જઈને બીજા માળે પલંગ જોયો, જ્યારે રસોડું ગ્રાઉન્ડ ફ્લોર પર હતું.
