મુંબઈના વિરારમાં ઈમારત ધરાશાયી થવાથી અત્યાર સુધીમાં 15 લોકોના મોત

મુંબઈના વિરારમાં ઈમારત ધરાશાયી થવાની ઘટનામાં મૃત્યુઆંક વધી ગયો છે. અત્યાર સુધીમાં 15 લોકોના મોતની પુષ્ટિ થઈ છે. 30 કલાકથી વધુ સમય વીતી ગયો છે અને શોધખોળ હજુ પણ ચાલુ છે. NDRF, વિરાર પોલીસ અને મ્યુનિસિપલ કોર્પોરેશનની 2 ટીમો ઘટનાસ્થળે રાહત અને બચાવ કાર્યમાં રોકાયેલી છે.

મહારાષ્ટ્રના પાલઘર જિલ્લાના વિરારમાં એક ચોંકાવનારી ઘટના બની. બુધવારે એક ગેરકાયદેસર ચાર માળની ઇમારતનો એક ભાગ ધરાશાયી થયો. આ અકસ્માતમાં માતા-પુત્રી સહિત 14 લોકોએ જીવ ગુમાવ્યા.

રાહત અને બચાવ કામગીરી હજુ પણ પૂરજોશમાં ચાલી રહી છે ત્યારે એક વ્યક્તિ ગંભીર રીતે ઘાયલ થઈ છે. આ ઘટના બુધવારે રાત્રે 12:05 વાગ્યાની આસપાસ બની હતી જ્યારે રમાબાઈ એપાર્ટમેન્ટનો પાછળનો ભાગ અચાનક તૂટી પડ્યો હતો. આ ઇમારત 2012 માં બનાવવામાં આવી હતી પરંતુ તે સંપૂર્ણપણે ગેરકાયદેસર હતી.