જ્યારે કેદારનાથ ધામના દરવાજા ખુલ્યા ત્યારે 29,030 ભક્તોએ ધામમાં બાબા કેદારના દર્શન કર્યા હતા. અક્ષય તૃતીયાના પવિત્ર તહેવાર પર યમુનોત્રી ધામના દ્વાર ખુલતાની સાથે જ ધામમાં ભક્તોની ભીડ ઉમટી પડી હતી. બપોરના સમયે વાતાવરણમાં પલટો આવતા અને વરસાદના કારણે શ્રદ્ધાળુઓને સુરક્ષાના કારણોસર જાનકીચટ્ટીથી આગળ જતા અટકાવવા પડ્યા હતા. પહેલા જ દિવસે યમુનોત્રી પહોંચનારા મુસાફરોની સંખ્યા 12 હજાર 193 હતી અને ગંગોત્રી પહોંચનારાઓની સંખ્યા 5 હજાર 203 હતી. ઉત્તરાખંડ સરકાર હેઠળ કામ કરતી ચારધામ યાત્રા મેનેજમેન્ટ એન્ડ કંટ્રોલ ઓર્ગેનાઈઝેશન દ્વારા આ આંકડા જાહેર કરવામાં આવ્યા છે.
ચારધામ યાત્રાના રજીસ્ટ્રેશન માટે ધમધમાટ ચાલી રહ્યો છે. ગઈકાલે સાંજ સુધીમાં ચારધામ યાત્રા માટે 23 લાખ 57 હજાર 393 નોંધણી થઈ હતી. કેદારનાથ માટે સૌથી વધુ 8 લાખ 7 હજાર 90 નોંધણી, બદ્રીનાથ ધામ માટે 7 લાખ 10 હજાર 192, યમુનોત્રી માટે 3 લાખ 68 હજાર 302 અને ગંગોત્રી માટે 4 લાખ 21 હજાર 205 નોંધણી થઈ છે. તે જ સમયે, હેમકુંડ સાહિબ માટે આ વખતે અત્યાર સુધીમાં 50 હજાર 604 નોંધણી થઈ ચુકી છે.
