નવી દિલ્હી રેલ્વે સ્ટેશન પર નાસભાગ થતા 15 લોકોના મોત અને 10 ઘાયલ, પીએમ મોદીએ વ્યક્ત કર્યો શોક

નવી દિલ્હી રેલ્વે સ્ટેશન પર ભાગદોડ મચી ગઈ છે. આ ભાગદોડમાં 15 લોકોના મોત થયા છે. LNJP હોસ્પિટલના ચીફ કેઝ્યુઅલ્ટી મેડિકલ ઓફિસરે આ ઘટના પર એક નિવેદન જારી કર્યું છે અને કહ્યું છે કે નવી દિલ્હી રેલ્વે સ્ટેશન પર બનેલી આ ઘટનામાં 3 બાળકો સહિત 15 લોકોએ જીવ ગુમાવ્યા છે. અન્ય 10 લોકો ઘાયલ થયા છે.

કેવી રીતે થઈ  નાસભાગ ?

શનિવારે રાત્રે નવી દિલ્હી રેલ્વે સ્ટેશન પર નાસભાગ મચી ગઈ હતી જેના કારણે પ્લેટફોર્મ 14 અને 15 પર અફરાતફરી  મચી ગઈ હતી. આ ઘટના રાત્રે લગભગ 9:55 વાગ્યે બની હતી, ત્યારબાદ હંગામો મચી ગયો હતો. હકીકતમાં, પ્રયાગરાજમાં ચાલી રહેલા મહાકુંભમાં હાજરી આપવા માટે નવી દિલ્હી રેલ્વે સ્ટેશન પર મોટી ભીડ પહોંચી હતી. ભારે ભીડને કારણે નાસભાગ મચી ગઈ. મુસાફરોએ વહીવટીતંત્ર પર બેદરકારીનો આરોપ લગાવ્યો છે.

Railway Minister Ashwini Vaishnaw tweets, "4 special trains to evacuate this unprecedented sudden rush at NDLS. The rush has now reduced" pic.twitter.com/OLyzkNYARi

— ANI (@ANI) February 15, 2025

રેલમંત્રીએ ઉચ્ચ સ્તરીય તપાસના આદેશ આપ્યા, કેન્દ્રીય આરોગ્ય મંત્રીએ આ સૂચનાઓ આપી

રેલ્વે મંત્રી અશ્વિની વૈષ્ણવે આ ઘટનાની ઉચ્ચ સ્તરીય તપાસના આદેશ આપ્યા છે. નવી દિલ્હી સ્ટેશન પર NDRF ટીમ તૈનાત કરવામાં આવી છે. કેન્દ્રીય આરોગ્ય મંત્રી જેપી નડ્ડાએ ડોકટરો અને અધિકારીઓ સાથે વાત કરી છે અને યોગ્ય સૂચનાઓ આપી છે. દિલ્હીના મુખ્ય સચિવ દ્વારા વિવિધ હોસ્પિટલોમાં એક મોટી તબીબી ટીમને ફરજ પર મૂકવામાં આવી છે.

बेहददुखद खबर

नई दिल्ली रेलवे स्टेशन पर देर रात भगदड़ से लगभग 15 लोगों की मौत हो गई है!!#NewDelhiRailwayStation#NewDelhi pic.twitter.com/TlBtUi1YFm

— Adv Jony Ambedkarwadi (@TheJonyVerma) February 15, 2025

પીએમ મોદીએ વ્યક્ત કર્યું દુઃખ 

પીએમ મોદીએ આ નાસભાગ પર દુઃખ વ્યક્ત કર્યું છે. પીએમ મોદીએ ટ્વિટર પર પોસ્ટ કર્યું, 'નવી દિલ્હી રેલ્વે સ્ટેશન પર થયેલી ભાગદોડથી હું દુઃખી છું. જેમણે પોતાના પ્રિયજનો ગુમાવ્યા છે તેમના પ્રત્યે મારી સંવેદના. ઘાયલો જલ્દી સ્વસ્થ થાય તેવી પ્રાર્થના કરું છું. અધિકારીઓ ભાગદોડથી પ્રભાવિત થયેલા તમામ લોકોને મદદ કરી રહ્યા છે.

Distressed by the stampede at New Delhi Railway Station. My thoughts are with all those who have lost their loved ones. I pray that the injured have a speedy recovery. The authorities are assisting all those who have been affected by this stampede.

— Narendra Modi (@narendramodi) February 15, 2025