મણિપુર હિંસા મણિપુરમાં ફરી એકવાર સ્થિતિ વણસી રહી છે. સેન્ટ્રલ બ્યુરો ઓફ ઈન્વેસ્ટિગેશન એટલે કે સીબીઆઈએ બે વિદ્યાર્થીઓની હત્યાના આરોપીની ધરપકડ કરી છે. સીબીઆઈએ રવિવારે ચાર લોકોની ધરપકડ કરી હતી. રાજ્યની ભાજપ શાસિત સરકારે કહ્યું છે કે આરોપીઓને કડક સજા આપવામાં આવશે. , આ આરોપીઓની ધરપકડ બાદ ખીણમાં ઈન્ડીજીનસ ટ્રાઈબલ લીડર્સ ફોરમ (આઈટીએલએફ) સહિત અન્ય આદિવાસી જૂથોએ ધરપકડ સામે આંદોલન શરૂ કર્યું છે. આદિવાસી જૂથોએ સોમવારે ચુરાચંદપુરમાં સંપૂર્ણ બંધનું એલાન આપ્યું છે. પરિસ્થિતિને જોતા સરકારે ફરી એકવાર ખીણમાં 6 ઓક્ટોબર સુધી ઈન્ટરનેટ પર પ્રતિબંધ લગાવી દીધો છે.
CM બિરેન સિંહે કડક સજાની કરી વાત
ધરપકડ અંગે માહિતી આપતાં મણિપુરના મુખ્યમંત્રી એન બિરેન સિંહે ટ્વિટર પર લખ્યું, “મને જણાવતા આનંદ થાય છે કે ફિઝામ હેમનજીત અને હિઝામ લિન્થોઈંગમ્બીના અપહરણ અને હત્યા માટે જવાબદાર કેટલાક મુખ્ય ગુનેગારોની આજે ચુરાચંદપુરથી ધરપકડ કરવામાં આવી છે.
કહેવત છે કે, ગુનો કર્યા પછી વ્યક્તિ ભાગી શકે છે, પરંતુ કાયદાના લાંબા હાથમાંથી છટકી શકતો નથી. અમે તેમના દ્વારા કરવામાં આવેલા જઘન્ય અપરાધ માટે મૃત્યુદંડ સહિતની મહત્તમ સજા સુનિશ્ચિત કરવા માટે પ્રતિબદ્ધ છીએ.
સરકારને 48 કલાકનો સમય
તમને જણાવી દઈએ કે મણિપુરના માન્યતાપ્રાપ્ત આદિવાસી સંગઠન આઈટીએલએફે મુખ્યત્વે ધરપકડ સામે નારાજગી વ્યક્ત કરી છે. આ સિવાય અનેક આદિવાસી સંગઠનોએ પણ તેમને સમર્થન આપ્યું છે. આ સંગઠનોએ સોમવારે સવારે 10 વાગ્યાથી આગળના નિર્ણય સુધી બંધનું એલાન આપ્યું છે. આ સંગઠનોએ સરકારને 48 કલાકનો સમય આપ્યો છે અને ધરપકડ કરાયેલા આરોપીઓને મુક્ત કરવાની માંગ કરી છે.
6 ઓક્ટોબર સુધી ઈન્ટરનેટ પર પ્રતિબંધ
મણિપુર સરકારે ધરપકડ બાદની સ્થિતિને જોતા 6 ઓક્ટોબર સુધી તાત્કાલિક અસરથી ઈન્ટરનેટ પર પ્રતિબંધ મૂક્યો હતો. વહીવટીતંત્રે રવિવારે એક નોટિફિકેશન બહાર પાડીને કહ્યું હતું કે, "સંભવ છે કે કેટલાક અસામાજિક તત્વો મોટા પાયે સોશિયલ મીડિયાનો ઉપયોગ તસવીરો, દ્વેષપૂર્ણ ભાષણો અને દ્વેષપૂર્ણ વિડિયો સંદેશાઓ ફેલાવવા માટે કરી શકે છે, જેનાથી મણિપુરમાં ગંભીર પરિણામો આવી શકે છે. રાજ્યમાં કાયદો અને વ્યવસ્થાની સ્થિતિ માટે.
CBIએ મહિલા સહિત 4 લોકોની ધરપકડ કરી છે
ઉલ્લેખનિય છે કે ઘાટીમાં લાદવામાં આવેલ ઈન્ટરનેટ પ્રતિબંધ 27 સપ્ટેમ્બરના રોજ ફરીથી લાગુ કરવામાં આવ્યો હતો, ત્યારબાદ જુલાઈમાં ગુમ થયેલા બે વિદ્યાર્થીઓના મૃતદેહોની તસવીરો સોશિયલ મીડિયા પર વાયરલ થવા લાગી અને ખીણમાં હિંસાની આગ ફરી સળગવા લાગી. જે બાદ પ્રશાસને ફરી એકવાર 1 ઓક્ટોબરે સાંજે 7 વાગ્યા સુધી ઈન્ટરનેટ પર પ્રતિબંધ લગાવી દીધો હતો. CBIએ રવિવારે વિદ્યાર્થીઓની હત્યાના કેસમાં એક મહિલા સહિત 4 લોકોની ધરપકડ કરી છે. મહિલા મુખ્ય આરોપીની પત્ની હોવાનું કહેવાય છે. જે બાદ આદિવાસી સંગઠનોએ આરોપીઓની ધરપકડનો વિરોધ શરૂ કર્યો હતો અને સોમવારે બંધનું એલાન આપ્યું હતું.
