Mobile ban in Kedarnath Temple: તાજેતરમાં અનેક વિવાદાસ્પદ વીડિયોના કારણે ચર્ચામાં રહેલ કેદારનાથ મંદિરમાં મોબાઈલ ફોન સાથે પ્રવેશવા, ફોટા પાડવા અને વીડિયો બનાવવા પર પ્રતિબંધ લગાવી દેવામાં આવ્યો છે. મંદિરની વ્યવસ્થા માટે જવાબદાર શ્રી બદ્રીનાથ-કેદારનાથ મંદિર સમિતિએ મંદિર પરિસરમાં વિવિધ સ્થળોએ આ અંગેના બોર્ડ લગાવ્યા છે.
મંદિર સમિતિના અધ્યક્ષ અજેન્દ્ર અજયે કહ્યું કે ધાર્મિક સ્થળની ગરિમા, માન્યતાઓ અને પરંપરાઓ હોય છે અને ભક્તોએ તે પ્રમાણે વર્તવું જોઈએ. તેમણે કહ્યું કે જો કે હજુ સુધી બદ્રીનાથ ધામમાં આવી કોઈ ફરિયાદ આવી નથી, પરંતુ ટૂંક સમયમાં ત્યાં પણ આવા બોર્ડ લગાવવામાં આવશે.
