સરકારે ઘરેલુ ગેસ સંકટથી બચવા માટે ESMA કર્યુ લાગૂ, પ્રાથમિક સેક્ટર્સને ફ્યુલ સપ્લાયમાં મળશે પ્રાયોરિટી

ઈરાન યુદ્ધ પછી વૈશ્વિક LPG પુરવઠા સંકટને પગલે, સરકારે ઘરેલુ કુદરતી ગેસ પુરવઠો સુનિશ્ચિત કરવા માટે ESMA (ઇમર્જન્સી રેગ્યુલેશન) ઓર્ડર લાગુ કર્યો. ઈરાન-ઇઝરાયલ (યુએસ) સંઘર્ષ દરમિયાન ઘરેલુ ગેસ પુરવઠો ખોરવાઈ ન જાય તેની ખાતરી કરવા માટે સરકાર કામ કરી રહી છે. આ આદેશ હેઠળ, સરકારે સ્થાનિક અને આવશ્યક ક્ષેત્રોને પૂરતો પુરવઠો સુનિશ્ચિત કરવા અને કટોકટીની અસર ઘટાડવા માટે પ્રાથમિકતા ક્ષેત્રોને કુદરતી ગેસ પુરવઠો ફાળવવાનો આદેશ આપ્યો છે.

કેન્દ્ર સરકારે કુદરતી ગેસ (પુરવઠા નિયમન) ઓર્ડર 2026 જારી કર્યો, જેનો હેતુ સ્થાનિક કુદરતી ગેસ પુરવઠો સુનિશ્ચિત કરવા અને પ્રાથમિકતા ક્ષેત્રોમાં પૂરતું વિતરણ જાળવવાનો છે. આ આદેશ સત્તાવાર ગેઝેટમાં પ્રકાશિત થયાની તારીખથી અમલમાં આવશે.

પ્રાથમિકતાના આધાર પર પ્રાકૃતિક ગેસ પુરવઠો ચાર સેક્ટર્સમા વહેંચવામાં આવ્યો 

 પ્રાથમિકતા ક્ષેત્ર 1

ઘરેલુ પાઇપ્ડ નેચરલ ગેસ (PNG) પુરવઠો

પરિવહન માટે કોમ્પ્રેસ્ડ નેચરલ ગેસ (CNG)

LPG ઉત્પાદન અને LPG જરૂરિયાતો

પાઇપલાઇન કોમ્પ્રેસર ઇંધણ અને અન્ય આવશ્યક પાઇપલાઇન કામગીરી

આ ક્ષેત્રોને છેલ્લા છ મહિનામાં તેમના સરેરાશ વપરાશના 100% સુધી ગેસ પૂરો પાડવામાં આવશે, જ્યાં સુધી કામગીરી માટે ઉપલબ્ધતા રહેશે.

પ્રાથમિકતા ક્ષેત્ર 2

ખાતર પ્લાન્ટ્સને છેલ્લા છ મહિનામાં તેમના સરેરાશ વપરાશના 70% જેટલો ગેસ પૂરો પાડવામાં આવશે.

પ્લાન્ટ્સ આ ગેસનો ઉપયોગ ફક્ત ખાતર ઉત્પાદન માટે કરી શકે છે, અને આ માટે મંત્રાલય દ્વારા પેટ્રોલિયમ પ્લાનિંગ એન્ડ એનાલિસિસ સેલ (PPAC) ને પ્રમાણિત કરવું જરૂરી 

એક યુનિટને ફાળવવામાં આવેલ ગેસ બીજા યુનિટમાં ટ્રાન્સફર કરી શકાતો નથી.

પ્રાથમિકતા ક્ષેત્ર 3

ચા ઉદ્યોગ, ઉત્પાદન અને અન્ય ઔદ્યોગિક ગ્રાહકોને રાષ્ટ્રીય ગેસ ગ્રીડ દ્વારા છેલ્લા છ મહિનામાં તેમના સરેરાશ વપરાશના 80% જેટલો ગેસ પૂરો પાડવામાં આવશે, જ્યાં સુધી કામગીરી શક્ય હોય. આ ક્ષેત્ર માટે ગેસ ફાળવણીના નિયમો PPAC અને ઉદ્યોગ સમિતિ સાથે સંકલનમાં ઘડવામાં આવશે.