ભૂકંપના કારણે ફરી ધ્રૂજી ઉઠી ધરતી, મ્યાનમારમાં ભૂકંપના આંચકા, લોકો ઘરની બહાર દોડી આવ્યા

ધરતી ફરી એકવાર ભૂકંપના આંચકાથી ધ્રૂજી ઉઠી છે. મ્યાનમારમાં મોડી રાત્રે ભૂકંપના જોરદાર આંચકાના કારણે લોકોમાં ગભરાટ ફેલાયો હતો. જો કે ભૂકંપના કારણે કોઈ જાનહાનિના સમાચાર નથી, પરંતુ લોકો તેમના ઘરની બહાર દોડી આવ્યા હતા કારણ કે તેમના ઘરના દરવાજા અને બારી ધ્રૂજવા લાગ્યા હતા અને વાસણો પણ પડી ગયા હતા.

રાત્રે લગભગ 1 વાગે ભૂકંપ આવ્યો હતો. આ ભૂકંપની તીવ્રતા રિક્ટર સ્કેલ પર 4.8 માપવામાં આવી હતી. આ ભૂકંપનું કેન્દ્ર પૃથ્વીની નીચે 106 કિલોમીટરની ઉંડાઈએ જોવા મળ્યું હતું. નેશનલ સેન્ટર ફોર સિસ્મોલોજી (NCS) એ આ વાતની પુષ્ટિ કરી છે અને કહ્યું છે કે આ સપ્તાહની શરૂઆતમાં મ્યાનમારમાં 5.1ની તીવ્રતાનો ભૂકંપ આવ્યો હતો. અગાઉ ડિસેમ્બરમાં 4.2ની તીવ્રતાનો ભૂકંપ આવ્યો હતો