પશ્ચિમ બંગાળમાં ફટાકડાની ફેક્ટરીમાં આગ બાદ સિલિન્ડર ફાટ્યો, 7 લોકોના મોત

પશ્ચિમ બંગાળના દક્ષિણ 24 પરગણામાં સોમવારે રાત્રે એક મોટો અકસ્માત થયો હતો. અહીં ધોલાહાટ વિસ્તારમાં પ્રચંડ વિસ્ફોટમાં 7 લોકોના મોત થયા હતા. જે ઘરમાં આ દુર્ઘટના થઈ ત્યાં ફટાકડા બનાવવાનું કામ થાય છે,

ફટાકડાની આગ સિલિન્ડર સુધી પહોંચી, ત્યાર બાદ જોરદાર વિસ્ફોટ થયો, જેમાં 7 લોકોના મોત થયા.

પ્રારંભિક માહિતી અનુસાર, આ સુંદરબનના ધોલાહાટ વિસ્તારમાં થયું હતું. અહીં પરિવાર ઘણા વર્ષોથી ફટાકડા બનાવતો હતો. ઘરમાં કુલ 11 લોકો રહેતા હતા. ચાર લોકો હજુ પણ ગુમ છે. વિસ્ફોટને કારણે ઘરમાં રાખેલા ફટાકડામાં આગ લાગી હતી, આ દરમિયાન મોટો વિસ્ફોટ થયો હતો. વિસ્ફોટ એટલો જોરદાર હતો કે આખું ઘર ધરાશાયી થઈ ગયું. આસપાસના વિસ્તારમાં પણ અંધાધૂંધી ફેલાઈ ગઈ હતી. મૃત્યુ પામેલાઓમાં ત્રણ બાળકોનો પણ સમાવેશ થાય છે.