દક્ષિણ બોલિવિયામાં એક હાઈવે પર એક માર્ગ અકસ્માતમાં 37 લોકોના મોત થયા છે. લગભગ 40 લોકો ઘાયલ થયા છે. બે બસો સામસામે અથડાતાં આ અકસ્માત સર્જાયો હતો. સંતુલન ગુમાવવાને કારણે આ અકસ્માત થયો હતો, જેના કારણે એક બસ ડિવાઈડર તોડીને બીજી લેનમાં આવીને બીજી બસ સાથે અથડાઈ હતી. અકસ્માતમાં માર્યા ગયેલાઓમાં બે બાળકોનો પણ સમાવેશ થાય છે.
પોલીસ કમાન્ડર વિલ્સન ફ્લોરેસે અકસ્માતની પુષ્ટિ કરતા કહ્યું કે એક બસના ડ્રાઈવરની હાલત ગંભીર છે અને બીજી બસના ડ્રાઈવરની હાલત હવે સ્થિર છે. ઘાયલ લોકો પણ ખતરાની બહાર છે. મૃતદેહોને કબજે લેવામાં આવ્યા છે, પોસ્ટમોર્ટમ કરાવીને સંબંધીઓને સોંપવામાં આવ્યા છે. અકસ્માતનો કેસ નોંધવામાં આવ્યો છે અને અથડામણના ચોક્કસ કારણની શોધ ચાલી રહી છે.
