પત્ની સાથે બળજબરીથી અકુદરતી સેક્સ ગુનો નથી', છત્તીસગઢ હાઈકોર્ટનો મોટો નિર્ણય, કોર્ટ જ યોગ્ય ન્યાય ન કરે તો શું થશે ?
સેક્સ બાદ પીડિતાનું હોસ્પિટલમાં મોત
લાઈવ લોના અહેવાલ મુજબ, આ કેસ એક એવા પુરુષનો છે જેની પત્નીનું હોસ્પિટલમાં અકુદરતી સેક્સ કર્યા બાદ મૃત્યુ થયું હતું. ડૉક્ટરે કહ્યું કે તે પેરીટોનાઈટીસ અને મલમાર્ગમાં છિદ્રથી પીડાઈ રહી હતી. છત્તીસગઢ હાઈકોર્ટે તાજેતરના ચુકાદામાં કહ્યું છે કે પુરુષ અને તેની પુખ્ત પત્ની વચ્ચે અકુદરતી સેક્સ સજાને પાત્ર નથી.
ભારતમાં કાયદા દ્વારા વૈવાહિક બળાત્કાર સજાપાત્ર નથી. હાઈકોર્ટના નિર્ણયમાં, અકુદરતી જાતીય સંબંધોને પણ સજાના દાયરામાંથી બાકાત રાખવામાં આવ્યા છે. આરોપીને ટ્રાયલ કોર્ટ દ્વારા અકુદરતી સેક્સ અને ખૂન ન ગણાતા ગુનાહિત હત્યાનો દોષિત ઠેરવવામાં આવ્યો હતો, પરંતુ હાઇકોર્ટમાંથી તેને રાહત મળી હતી.
કોર્ટે પોતાના નિણર્યમાં કરી આ વાત
કોર્ટે પોતાના ચુકાદામાં જણાવ્યું હતું કે જો પત્ની 15 વર્ષથી વધુ ઉંમરની હોય, તો પતિ દ્વારા "કોઈપણ જાતીય સંભોગ" અથવા જાતીય કૃત્યને કોઈપણ સંજોગોમાં બળાત્કાર ગણી શકાય નહીં અને તેથી, અકુદરતી કૃત્ય માટે પત્નીની સંમતિનો અભાવ મહત્વ ગુમાવે છે. તેથી, અપીલકર્તા સામે IPC ની કલમ 376 અને 377 હેઠળના ગુનાઓ સાબિત કરી શકાતા નથી.
