આ રાજ્યના સ્ટેશન પર થયો મોટો વિસ્ફોટ, શોર્ટ સર્કિટને કારણે VIP રૂમમાં લાગી આગ, મુસાફરોના શ્વાસ અધ્ધર

ગ્વાલિયર રેલવે સ્ટેશન પર આજે બપોરે ત્યારે અરાજકતા ફેલાઈ ગઈ જ્યારે સ્ટેશનના પ્લેટફોર્મ નંબર એક પરના વીઆઈપી રૂમમાં અચાનક આગ ફાટી નીકળી હતી. પ્રાથમિક માહિતી મુજબ શોર્ટ સર્કિટના કારણે આગ લાગી હતી.

આગની જાણ થતાં જ ફાયર બ્રિગેડની ગાડીઓ તાત્કાલિક ઘટનાસ્થળે પહોંચી ગઈ હતી અને આગ પર કાબૂ મેળવવાનો પ્રયાસ શરૂ કર્યો હતો. વરિષ્ઠ રેલ્વે અધિકારીઓ, રેલ્વે પ્રોટેક્શન ફોર્સ (RPF) અને સરકારી રેલ્વે પોલીસ (GRP)ના કર્મચારીઓ પણ સ્થળ પર હાજર છે અને પરિસ્થિતિની સમીક્ષા કરી રહ્યા છે.

હાલમાં આગ બાદ પ્લેટફોર્મ પર નાસભાગ અને અરાજકતાને કારણે ટ્રેનોની અવરજવર તાત્કાલિક બંધ કરી દેવામાં આવી હતી. જેના કારણે અનેક ટ્રેનોને સ્ટેશન પહેલા અલગ-અલગ જગ્યાએ રોકી દેવામાં આવી છે જેના કારણે મુસાફરોને અસુવિધાનો સામનો કરવો પડી રહ્યો છે. રેલવે પ્રશાસન વહેલી તકે સ્થિતિને સામાન્ય બનાવવાનો પ્રયાસ કરી રહ્યું છે.