મરાઠા અનામતના સમર્થનમાં એક દિવસમાં 9 સુસાઈડ, 13 દિવસમાં 25 લોકોએ આપ્યો જીવ, મુંબઈમાં મંત્રીના કાફલાની ગાડીઓમાં તોડફોડ
મહારાષ્ટ્રમાં મરાઠા અનામતની માંગને લઈને મંગળવારે એક મહિલા સહિત 9 વધુ લોકોએ આત્મહત્યા કરી લીધી. 19 થી 31 ઓક્ટોબર સુધી એટલે કે 13 દિવસમાં અત્યાર સુધી 25 લોકો સુસાઈડ કરી ચુક્યા છે. આ વર્ષે સપ્ટેમ્બરમાં શરૂ થયેલ આંદોલન 8 થી વધુ જીલ્લામાં હિંસક થઈ ગયુ છે. આ સંખ્યા 1990ના મંડળ આંદોલન દરમિયાન કરવામાં આવેલી આત્મહત્યાઓના આંકડા પછી સોથી વધુ છે.
CM શિંદે આજે સર્વદળીય બેઠક કરશે, રાઉત બોલ્યા - અમને બોલાવ્યા જ નથી
મંગળવારે જ મુખ્યમંત્રી એકનાથ શિંદેની અધ્યક્ષતામાં થયેલી કેબિનેટ બેઠકમાં જસ્ટિસ સંદીપ શિંદે સમિતિની અંતરિમ રિપોર્ટને મંજૂરી આપવામાં આવી. જો કે સરકારે ભૂખ હડતાલ પર બેસેલા મનોજ જારાંગે પાટિલની બધી મરાઠાઓને અનામત આપવાની માંગ રદ્દ કરી દીધી.
CM આજે સર્વદળીય બેઠક કરવા જઈ રહ્યા છે. શિવસેના (ઉદ્દવ ગૂટ)ના નેતા સંજય રાઉતે કહ્યુ કે તેમની પાર્ટીને આ બેઠકમાં બોલાવી નથી. તેમણે કહ્યુ કે અમારી પાસે 16 ધારાસભ્ય અને 6 સાંસદ છે. પણ અમને ન બોલાવીને એવી પાર્ટીઓને બોલાવવામાં આવી છે જેમની પાસે એકપણ ધારાસભ્ય નથી. જો કે ઉદ્દવ ગૂટમાંથી વિધાન પરિષદમાં વિપક્ષના નેતા અંબાદાસ દાનવને બોલાવવામાં આવ્યા છે.
