Lok Sabha Election-લોકસભા ચૂંટણીના બીજા તબક્કાનો ચૂંટણી પ્રચાર બુધવારે સાંજે સમાપ્ત થશે. ચૂંટણી પ્રચારના અંતિમ દિવસે પીએમ મોદી, કોંગ્રેસ નેતા રાહુલ ગાંધી, સપા ચીફ અખિલેશ યાદવ સહિત તમામ રાજકીય દિગ્ગજ પોતાની પૂરી તાકાત લગાવવાનો પ્રયાસ કરશે. બીજા તબક્કામાં મથુરાથી બીજેપી સાંસદ હેમા માલિની, બુલંદશહેર સીટથી વર્તમાન બીજેપી સાંસદ ભોલા સિંહ, ટેલિવિઝન સીરિયલ રામાયણમાં શ્રી રામની ભૂમિકા ભજવીને પ્રખ્યાત થયેલા ફિલ્મ અને ટેલિવિઝન અભિનેતા અરુણ ગોવિલ પણ મેદાનમાં છે.
