કાંકરેજમાં ભેંસે બે મોઢા અને છ પગ વાળા પાડાને જન્મ આપ્યો

આજકાલ સોશિયલ મીડિયા પર એક દમ બિજારે કહેવાય તેવી તસ્વીરો વાયરલ થતી હોય છે. જેનાથી કૂતૂહલ પણ સર્જાતુ હોય છે. આવી જ એક બાબત સાબરકાંઠાં જિલ્લાના કાંકરેજ તાલુકામાં બનવા પામી છે. એક ભેંસે એવા બચ્ચાને જન્મ આપ્યો છે જેને બે મોઢા અને છ પગ છે. પ્રાપ્ત વિગતો પ્રમાણે કાંકરેજના બલોચપુરા ગામમાં પશુપાલન કરીને જીવનનિર્વાહ ચલાવતા પોપટજી ઠાકોરના ઘરે એક ભેંસ વિવાઈ હતી.

જેણે ઠાકોરના ખેતરમાં એક બચ્ચાને જન્મ આપ્યો હતો. આ બચ્ચુ છ પગ અને બે મોઢા ધરાવતો પાડો હતું. આ સમાચાર વાયુવેગે ફેલાતા લોકો તેને જોવા માટે ટોળે વળ્યાં હતાં અને લોકોમાં એક પ્રકારનું કૂતૂહલ પણ ફેલાયું હતું. આ તસ્વીર સોશિયલ મીડિયામાં વાયરલ થતાં લોકો તેને ફેક ગણાવતાં હતાં પણ આ હકિકત જ્યારે લોકોની સામે આવી ત્યારે ખાસી ચર્ચાએ ચડ્યું હતું.