ભાજપના ઉપાધ્યક્ષ મુખ્તાર અબ્બાસ નકવીના જણાવ્યા પ્રમાણે લોકસભાની લગભગ ૩૦ ટકા બેઠક સોશ્યલ મીડીયાથી પ્રભાવિત થવાના રિપોર્ટને ભાજપે ગંભીરતાથી લીધો. પક્ષે આ બેઠકો પર યુવાનોને જોડવા માટે પરંપરાગત ચૂંટણી પ્રચારને બદલે સોશ્યલ મીડીયા એટલે કે ઇન્ટરનેટ, ફેસબુક, ટવીટર વગેરેનો ભરપુર ઉપયોગ કર્યો. આ માટે ૬૦ યુવાનોની એક ટીમ બનાવવામાં આવી હતી. તેઓનુ કામ સકારાત્મકતાના સંદેશ સાથે મતદારોને જોડવાનું હતુ.
દેશમાં ૮૧.૪પ કરોડ મતદારોમાંથી ૧૮ થી ૧૯ વર્ષની વય વચ્ચેના ર.૩૧ કરોડ મતદારો હતા. યુપીમાં ૩૮.૧ લાખ, પ.બંગાળમાં ર૦.૮ લાખ, ઝારખંડમાં ૯.૩ લાખ મતદારો હતા. કુલ યુવા મતદારોમાંથી ૩૯ ટકા યુવાનોએ ભાજપને મત આપ્યા.