સટ્ટા કિંગ દિનેશ કલગીને પહેલી નવેમ્બરના રોજ તેમની તબિયત લથડી હતી જેથી તેને અમદાવાદની ખાનગી હોસ્પિટલમાં દાખલ કરાયો હતો . જ્યાં એક સપ્તાહની સારવાર દરમ્યાન તેનું મોત નિપજ્યું છે. મળતી માહિતી મુજબ 8 નવેમ્બર ના રોજ બપોરે અઢી વાગ્યે ખાનગી હોસ્પિટલ ખાતે દિનેશ કલગીને અંતિમ શ્વાસ લીધો હતો . સટ્ટાબજારમાં કલગીના રૂપકડા નામથી ઓળખાતા કલગીની લાઈફસ્ટાઈલ પણ અલાયદી હતી.100 કિલોથી વધતું વજન ,મોઢામાં પાન અને હાથમાં સતત અળગતી સિગારેટ રહેતી હતી.
આઈપીએલ મેચ ફિકસિંગ દરમિયાન પણ દિનેશ કલગીએ ઘણી બધી બબતોનો ખુલાસો કર્યો હતો. દિનેશ કલગીને એ વખતે દાવો કર્યો હતો કે ,ઓસ્ટ્રિલિયા દક્ષિણ આફ્રિકા ,લંડન અને દુબઈ ફિકસિંગના મુખ્ય સેંટર તરીકે છે. દિનેશ કલગીને એમ પણ કહી ચૂકયો હતો કે કોઈપણ ભારતીય ખેલાડી ઈમાનદાર નથી .
મહેન્દ્ર મુખીની કલબમાં સામાન્ય નોકરથી સટ્ટા બજારમાં પગ મુકનારા દિનેશ ઠક્કર ઉર્ફ કલગીને જીવનમાં વિચાર્યું તેવું પત્તું પડયું અને જેને ત્યાં નોકરી કરી તેના જ ભાગીદાર તરીકે સુદામા નામની રિસોર્ટ ઉભી કરી નાખી હતી. પોલીસ નેતાઓ અને તંત્રની મદદથે જુગાર સટ્ટાની અસામાજિક પ્રવૃતિ માટે ચર્ચામાં રહેલા કલગીની હાલત ગંભીર હોવાના સમાચાર પ્રકાશિત થતાં જ સટ્ટા બજારમાં સન્નાટો છવાઈ ગયો હતો.
