ઇમરાન ખાન વિરુદ્ધ ષડયંત્રના દાવા પર અમેરિકાએ આપ્યો જવાબ
મંગળવાર, 5 એપ્રિલ 2022 (11:49 IST)
છેલ્લા કેટલાક દિવસોથી ઇમરાન ખાન કહેતા આવ્યા છે કે તેમની સરકાર વિરુદ્ધ અમેરિકા દ્વારા ષડયંત્ર રચવામાં આવ્યું છે.
અમેરિકાના વિદેશ મંત્રાલયના પ્રવક્તા નેડ પ્રાઇસે સોમવારે પત્રકારપરિષદમાં કહ્યું કે “અમેરિકા પાકિસ્તાનના લોકતાંત્રિક સિદ્ધાંતોનું સમર્થન કરે છે.”
“અમે એક રાજનૈતિક દળના વિરોધમાં બીજા રાજનૈતિક દળનું સમર્થન કરતા નથી. અમે કાયદા અંતર્ગત સમાન ન્યાયના વ્યાપક સિદ્ધાંતો, કાયદાના શાસનના સિદ્ધાંતોનું સમર્થન કરીએ છીએ.”
પ્રાઇસે આ વાત પર જોર આપતા કહ્યું કે પાકિસ્તાનના આંતરિક મામલામાં અમેરિકા તરફથી હસ્તક્ષેપ કરવાના અને ઇમરાન ખાન સરકારને અસ્થિર કરવાનાં પ્રયત્નોના આરોપ સદંતર પાયાવિહોણા છે.
