રશિયાના દૂર પૂર્વના અમુર ક્ષેત્રમાં ગુરુવારે એક મોટી વિમાન દુર્ઘટના પ્રકાશમાં આવી છે. ચીનની સરહદે આવેલા આ વિસ્તારમાં ટેકઓફ કર્યા પછી તરત જ 50 લોકો સાથેનું એક પેસેન્જર વિમાન ગુમ થઈ ગયું. રાહત અને બચાવ ટીમે થોડા કલાકોની શોધખોળ બાદ વિમાનનો બળી ગયેલો કાટમાળ શોધી કાઢ્યો છે. કાટમાળમાંથી ધુમાડો નીકળતો જોવા મળ્યો હતો, જે આ શંકાને વધુ ઘેરી બનાવે છે કે અકસ્માત ભયાનક હતો.
બે વાર લેન્ડિંગ કરવાનો પ્રયાસ કર્યો, પછી રડાર પરથી ગાયબ થઈ ગયો
રશિયન સમાચાર એજન્સી ઇન્ટરફેક્સ અનુસાર, આ An-24 મોડેલનું વિમાન અંગારા એરલાઇન્સ દ્વારા સંચાલિત હતું. વિમાન અમુર ક્ષેત્રના ટિંડા શહેર તરફ જઈ રહ્યું હતું. પ્રથમ નિષ્ફળ લેન્ડિંગ પ્રયાસ પછી, વિમાન ફરીથી લેન્ડિંગ કરવાનો પ્રયાસ કરી રહ્યું હતું, જ્યારે તેનો એર ટ્રાફિક કંટ્રોલ સાથે સંપર્ક તૂટી ગયો. થોડીવારમાં તે રડાર પરથી ગાયબ થઈ ગયું.
પાંચ બાળકો સહિત ૫૦ લોકો વિમાનમાં સવાર હતા
પ્રારંભિક માહિતી અનુસાર, વિમાનમાં ૫ બાળકો સહિત ૪૩ મુસાફરો અને ૬ ક્રૂ સભ્યો હતા. જોકે, કટોકટી મંત્રાલયે એક અલગ આંકડો આપ્યો છે અને કહ્યું છે કે વિમાનમાં લગભગ ૪૦ લોકો સવાર હતા. ચોક્કસ સંખ્યા અંગે પરિસ્થિતિ સ્પષ્ટ નથી.
