જાપાનમાં ભૂકંપ: ઓકિનાવા શહેર હચમચી ગયું
જાપાનમાં 5.4 ની તીવ્રતાનો ભૂકંપ આવ્યો, ઓકિનાવા શહેરને હચમચાવી નાખ્યું. આ ભૂકંપનું કેન્દ્ર યોનાગુનીથી 48 કિલોમીટર દૂર પૃથ્વીની નીચે 124 કિલોમીટરની ઊંડાઈએ હતું. જો કે, આ ભૂકંપના કારણે કોઈ જાન-માલના નુકસાનના અહેવાલ નથી અને સુનામીની કોઈ ચેતવણી જારી કરવામાં આવી નથી.
તેમ છતાં આ ભૂકંપને લઈને જાપાનમાં ગભરાટનો માહોલ છે. જાપાન સરકારે પહેલાથી જ ચેતવણી જારી કરી હતી કે નજીકના ભવિષ્યમાં જોરદાર ભૂકંપ આવી શકે છે, જેનાથી મોટાપાયે તબાહી થઈ શકે છે અને લગભગ 3 લાખ લોકો જીવ ગુમાવી શકે છે. આ ભૂકંપના પગલે સરકારે નાગરિકોને સતર્ક રહેવાની સલાહ આપી છે અને એજન્સીઓને એલર્ટ મોડ પર રાખવામાં આવી છે.
