World Breastfeeding Week 2022: ઓગસ્ટ વિશ્વ સ્તનપાન સપ્તાહની શરૂઆત છે, જે વિશ્વભરમાં સ્તનપાન માટે જાગૃતિ લાવવાનું વાર્ષિક અભિયાન છે. આ સપ્તાહની સ્થાપના વર્લ્ડ એલાયન્સ ફોર બ્રેસ્ટફીડિંગ એક્શન (WABA) દ્વારા કરવામાં આવી હતી. જે વ્યકિતઓને તેમના સ્તનપાન પ્રવાસમાં સમર્થન, સશક્તિકરણ અને પ્રોત્સાહિત કરવા માટે કામ કરે છે. વિશ્વ સ્તનપાન સપ્તાહ દર વર્ષે 1-7 ઓગસ્ટના રોજ ઉજવવામાં આવે છે. યુનિસેફના રિપોર્ટ અનુસાર વિશ્વના કુલ બાળકોમાંથી લગભગ 60 ટકા બાળકોને 6 મહિના સુધી જરૂરી સ્તનપાન નથી મળતું.
WABA ની સ્થાપના 1990-91 માં કરવામાં આવી હતી અને 1992 માં પ્રથમ વિશ્વ સ્તનપાન સપ્તાહનું સત્તાવાર રીતે આયોજન કરવામાં આવ્યું હતું. તે વર્ષે 70 દેશોએ નવી પહેલની ઉજવણી કરી. હવે તેમાં 170 દેશોની ભાગીદારી છે.
વિશ્વ સ્તનપાન અઠવાડિયાની થીમ World Breastfeeding Week Theme
વર્ષ 2021માં વર્લ્ડ બ્રેસ્ટ ફીડિંગ વીક 2021ને થીમ "સ્તનપાનની રક્ષા કરવી એક જવાબદારી" રાખી હતી. સાથે જ 2022માં વર્લ્ડ બ્રેસ્ટ ફીડિંગ ડેની થીમ "સ્તનપાન માટે પગલા ભરો" શિક્ષિત અને સમર્થન રાખી છે.
