Petrol Diesal price- છેલ્લા એક વર્ષથી વધુ સમયથી પેટ્રોલ અને ડીઝલના ભાવમાં કોઈ ફેરફાર થયો નથી. પરંતુ ટૂંક સમયમાં આ સ્થિતિ બદલાવાની છે. પેટ્રોલિયમ મંત્રી હરદીપ સિંહ પુરીએ શનિવારે જણાવ્યું કે પેટ્રોલ અને ડીઝલની કિંમત ક્યારે ઘટી શકે છે. તેમણે કહ્યું કે જો ક્રૂડ ઓઈલની કિંમત સ્થિર રહેશે તો ઓઈલ માર્કેટિંગ કંપનીઓ પેટ્રોલ અને ડીઝલના ભાવમાં ઘટાડો કરવાનો નિર્ણય લઈ શકે છે.
પુરીએ એમ પણ કહ્યું કે જો આગામી ક્વાર્ટરમાં આ કંપનીઓનું પ્રદર્શન સારું રહેશે તો તેઓ પેટ્રોલ અને ડીઝલના ભાવમાં ઘટાડો કરવા માટે વધુ સારી સ્થિતિમાં હશે. જોકે, તેમણે સ્પષ્ટ કર્યું કે તેઓ આ મામલે કોઈ જાહેરાત કરવાની સ્થિતિમાં નથી.
