Rules Change 1 August: જ્યારથી FASTag નિયમમાં ફેરફાર આવ્યો છે, ત્યારથી ભારતમાં ટોલ પ્લાઝા પર પેમેન્ટ કરવાનું લોકો માટે ખૂબ જ સરળ બની ગયું છે.
પહેલા તમારે ટોલ પ્લાઝા (FASTag નવો નિયમ) પર કલાકો સુધી લાંબી કતારોમાં ઉભા રહેવું પડતું હતું, પરંતુ હવે તમે તરત જ ચૂકવણી કરી શકો છો અને ટોલ પ્લાઝા છોડી શકો છો.
પરંતુ, 1 ઓગસ્ટ, 2024 થી, ફાસ્ટેગ સંબંધિત સેવાઓ પર નવા નિયમો લાગુ થવા જઈ રહ્યા છે. આગામી 48 કલાકમાં જુલાઈ મહિનો પૂરો થશે, ત્યારપછી ઓગસ્ટ મહિનો શરૂ થશે.
જો તમે કાર ચલાવો છો અથવા ટ્રાન્સપોર્ટનો વ્યવસાય કરો તો તમારે ફાસ્ટેગ સંબંધિત માહિતી વિશે જાણવું જોઈએ. NPCIએ ફાસ્ટેગને લઈને કેટલાક નવા નિયમો જારી કર્યા છે. નિયમ અનુસાર, હવે લોકોએ વાહન ખરીદ્યા બાદ 90 દિવસની અંદર ફાસ્ટેગ નંબર પર વાહનનો રજિસ્ટ્રેશન નંબર અપલોડ કરવાનો રહેશે.
જો તમે 90 દિવસ એટલે કે 3 મહિનાની અંદર નંબર અપડેટ નહીં કરો તો તેને હોટલિસ્ટમાં મૂકવામાં આવશે. આ પછી તમને 30 દિવસનો વધારાનો સમય મળશે, જો તમે હજી પણ નંબર અપડેટ નહીં કરો તો તમારું ફાસ્ટેગ બ્લેકલિસ્ટ કરવામાં આવશે.
આ નવા નિયમો 1 ઓગસ્ટથી લાગુ થશે
કંપનીઓએ પાંચ વર્ષ જૂના ફાસ્ટેગને બદલવું પડશે.
ત્રણ વર્ષ જૂના ફાસ્ટેગને ફરીથી KYC કરાવવું પડશે.
વાહનનો રજીસ્ટ્રેશન નંબર અને ચેસીસ નંબર ફાસ્ટેગ સાથે લિંક હોવો જોઈએ.
નવું વાહન ખરીદ્યા બાદ તેનો નંબર 90 દિવસમાં અપડેટ કરવાનો રહેશે.
KYC કરતી વખતે તમારે વાહનના આગળ અને બાજુનો સ્પષ્ટ ફોટો અપલોડ કરવાનો રહેશે.
ફાસ્ટેગને મોબાઈલ નંબર
સાથે લિંક કરવું ફરજિયાત રહેશે.
KYC માટે એપ, વોટ્સએપ અને પોર્ટલ જેવી સેવાઓ ઉપલબ્ધ કરાવવી પડશે.
