નેશનલ હાઇવે ઓથોરિટી ઓફ ઇન્ડિયા (NHAI) એ 15 ઓગસ્ટ, 2025 થી દેશભરમાં 'FASTag વાર્ષિક પાસ' લાગુ કર્યો છે. આ માહિતી સરકારે આપી છે. વાર્ષિક પાસને પહેલા જ દિવસે રાષ્ટ્રીય ધોરીમાર્ગ વપરાશકર્તાઓ તરફથી સારો પ્રતિસાદ મળ્યો છે.
તમને જણાવી દઈએ કે અમલીકરણના પહેલા દિવસે સાંજે 4:30 વાગ્યા સુધીમાં, લગભગ 1.2 લાખ વપરાશકર્તાઓએ FASTag વાર્ષિક પાસ ખરીદ્યો અને સક્રિય કર્યો. 15 ઓગસ્ટના રોજ, દેશભરના ટોલ પ્લાઝા પર FASTag વાર્ષિક પાસ સાથે લગભગ 1.24 લાખ વ્યવહારો નોંધાયા છે.
૩ હજારમાં ૧ વર્ષની માન્યતા: સરકારી નિવેદનમાં કહેવામાં આવ્યું છે કે રાષ્ટ્રીય ધોરીમાર્ગના વપરાશકર્તાઓને સરળ અને સસ્તું મુસાફરી વિકલ્પ પૂરો પાડતા, FASTag વાર્ષિક પાસ એક વર્ષની માન્યતા માટે અથવા વધુમાં વધુ ૨૦૦ ટોલ પ્લાઝા ક્રોસ કરવા માટે ૩૦૦૦ રૂપિયાની એકંદર રકમમાં માન્ય રહેશે. આ વાર્ષિક પાસ ફક્ત રાષ્ટ્રીય ધોરીમાર્ગો અથવા એક્સપ્રેસવે પર જ માન્ય રહેશે. તે રાજ્ય ધોરીમાર્ગો અથવા એક્સપ્રેસવે પર લાગુ થશે નહીં. ફાસ્ટેગ વાર્ષિક પાસને વારંવાર રિચાર્જ કરવાની જરૂર રહેશે નહીં અને ૩,૦૦૦ રૂપિયાની ફી આખા વર્ષ માટે લાગુ પડશે, જ્યાં સુધી ૨૦૦ ટોલ ક્રોસ ન થાય.
