બેંગલુરૂ : PG માં ઘુસીને યુવકે યુવતીને ચપ્પુ માર્યુ, CCTV માં કેદ થઈ ક્રૂરતા, પોલીસે શોધી કાઢ્યો હત્યારાનો સુરાગ

કર્ણાટકની રાજધાની બેંગલુરુમાં હૃદયદ્રાવક હત્યાનો એક વીડિયો સામે આવ્યો છે. બેંગલુરુના કોરમંગલામાં 'પેઇંગ ગેસ્ટ' રૂમમાં બે દિવસ પહેલા ગળું કાપીને હત્યા કરાયેલી છોકરીની. પોલીસને તેના સંબંધિત સીસીટીવી ફૂટેજ મળ્યા છે. જેમાં એક યુવક યુવતી પર છરી વડે હુમલો કરતો જોઈ શકાય છે.

યુવતી બિહારની હતી

પોલીસના જણાવ્યા અનુસાર 23 જુલાઈની રાત્રે યુવતીની હત્યા કરવામાં આવી હતી. હુમલાખોરે રૂમમાં ઘૂસીને 24 વર્ષની કૃતિ કુમારીની હત્યા કરી નાખી. આ મામલાની માહિતી આપતા પોલીસ કમિશનર બી દયાનંદે કહ્યું કે કૃતિ કુમારી બિહારની રહેવાસી હતી. તે શહેરમાં એક ખાનગી કંપનીમાં નોકરી કરતી હતી.

હત્યારો મધ્યપ્રદેશનો રહેવાસી 

પોલીસ અધિકારી દયાનંદે કહ્યું કે હજુ સુધી હત્યારાની ધરપકડ કરવામાં આવી નથી. હત્યારાને પકડવા માટે ત્રણ વિશેષ ટીમો બનાવવામાં આવી છે. પોલીસને માહિતી મળી છે કે હત્યારો મધ્યપ્રદેશનો રહેવાસી છે. આથી તેની શોધમાં પોલીસની એક ટીમ મધ્યપ્રદેશ પણ રવાના કરવામાં આવી છે.

પોલીસને મળ્યા સીસીટીવી ફૂટેજ 

પોલીસે જણાવ્યું કે સીસીટીવી ફૂટેજ સોશિયલ મીડિયા પર વાયરલ થયા છે. આ કોરમંગલા ઘટના હોવાનું કહેવાય છે. વીડિયોમાં જોઈ શકાય છે કે એક વ્યક્તિ પોલીથીન બેગ લઈને 'પેઈંગ ગેસ્ટ' રૂમમાં પ્રવેશે છે. તે યુવતીના રૂમનો દરવાજો ખખડાવે છે. થોડા સમય પછી યુવતી દરવાજો ખોલે છે તો  તે છોકરીને ખેંચીને બહાર લઈ જતો જોવા મળે છે.

This happened in a PG hostel in Koramangala, Bengaluru 3 days ago
The killer has not been caught yet
He brutally killed Kriti Kumari by slitting her neck which was caught in CCTV camera but police haven’t caught him yet. This is how Law and order has deteriorated in our city… pic.twitter.com/vMO1SZykGv

— Swathi Bellam (@BellamSwathi) July 26, 2024

લોહીથી લથપથ યુવતીનું બેઠેલી હાલતમાં મોત

આ દરમિયાન, પીડિતા હુમલાનો વિરોધ કરે છે, પરંતુ હત્યારો તેને પકડી લે છે, તેનું ગળું કાપી નાખે છે અને ત્યાંથી ભાગી જાય છે. અવાજ સાંભળીને બિલ્ડીંગમાં હાજર અન્ય યુવતીઓ સ્થળ પર પહોંચી પણ તેને બચાવી શક્યા નહીં. છરીના અનેક હુમલા બાદ લોહીમાં લથબથ કૃતિ કુમારીનું ઘટનાસ્થળે જ મોત થઈ ગયું.