શાનદાર ફૉર્મમાં ચાલી રહેલા યુવરાજસિંહે વેસ્ટઇંડીજ વિરુદ્ધ બીજા એક દિવસીય આંતરરાષ્ટ્રીય ક્રિકેટ મેચ દરમિયાન એક દિવસીય ક્રિકેટમાં 7000 રન પૂરા કરીને આ મુકામ સુધી પહોંચનારા પાંચમાં ભારતીય બેટ્સમેન બની ગયાં છે.
પોતાનો 234 મો મેચ રમી રહેલા યુવરાજે રવિ રામપોલના દડા પર આઠમી ઓવરમાં ચોક્કો ફટકારીને સાત હજાર વન-ડે રન પૂર્ણ કર્યાં. આ મેચ પૂર્વે તેમને આ મુકામ સુધી પહોંચવા માટે 19 રનોની જરૂરિયાત હતી.
વનડે ક્રિકેટમાં સૌથી વધારે રન સચિન તેંડુલકર (16684) ના નામે છે. આ ઉપરાંત ભારતીય ક્રિકેટરોમાં ભૂતપૂર્વ કપ્તાન સૌરવ ગાંગુલી (11363), રાહુલ દ્રવિડ઼ (10585) અને મોહમ્મદ અજહરુદ્દીન (9378) આ આંકડો પાર કરી ચૂક્યાં છે.
