વધી શકે છે ટીમ ઈંડિયાની મુશેક્લીઓ, ગુસ્સાને કાબૂમાં નહી કરશે વિરાટ કોહલી તો લાગશે પ્રતિબંધ! ભારતીય ટીમના કેપ્ટન વિરાટ કોહલીને દક્ષિણ આફ્રિકા સામે બેંગલોર ટી 20 માં ડિમેરિટ પોઇન્ટ મળ્યો હતો. (AP) આઇસીસીના નિયમો (ICC Rules) અનુસાર, જો કોઈ ખેલાડીને બે વર્ષમાં ચાર ડિમેરિટ પોઇન્ટ મળે, તો તે પ્રતિબંધિત થઈ જાય છે.
નવી દિલ્હી- ભારતીય ક્રિકેટ ટીમના કેપ્ટન વિરાટ કોહલી તેના ગુસ્સાથી ઘણી મુશ્કેલીમાં આવી શકે છે. બેંગ્લુરૂમાં સાઉથ આફ્રિકા સામે રમાયેલી ટી -20 મેચમાં વિરાટ કોહલીએ મુલાકાતી ટીમના ખેલાડી બ્યુરેન હેન્ડ્રિક્સને કોણી મારી દીધી હતી. તે પછી ભારતીય ઇનિંગ્સની પાંચમી ઓવર ચાલી રહી હતી અને વિરાટે રન લેતી વખતે દક્ષિણ આફ્રિકાના બોલરને કોણી મારી હતી. કોહલીને આઈસીસી આચાર સંહિતાના સ્તર 1 નું ઉલ્લંઘન કરવા બદલ દોષી ઠેરવવામાં આવ્યા હતા. આ પછી, ભારતીય કેપ્ટનને આઈસીસીની આચારસંહિતાના ભંગ બદલ ચેતવણી સાથે ડિમેરિટ પોઇન્ટ આપવામાં આવ્યો હતો.
હવે ટીમ ઈન્ડિયાના (Team India) કેપ્ટન મેચ પ્રતિબંધથી માત્ર એક ડિમેરિટ પોઇન્ટ દૂર છે. હકીકતમાં, ભારતીય ક્રિકેટ ટીમના કેપ્ટન વિરાટ કોહલીને જાન્યુઆરી, 2018 માં દક્ષિણ આફ્રિકા(South Africa) સામેના સેન્ચુરિયન ટેસ્ટમાં ડિમેરિટ પોઇન્ટ પણ મળ્યો હતો. આ પછી, તેને આઈસીસી વર્લ્ડ કપ 2019 (ICC World Cup 2019)માં અફઘાનિસ્તાન(Afghanistan)સામેની મેચમાં પણ ડિમેરિટ પોઇન્ટ મળ્યો હતો. વિરાટને 2018 થી બે ડિમેરિટ પોઇન્ટ મળ્યા છે, જેમાં બેંગ્લોર ટી 20 ના ડિમેરિટ પોઇન્ટ્સનો સમાવેશ થાય છે. આઇસીસીના નિયમો અનુસાર, જો કોઈ ખેલાડીને બે વર્ષમાં ચાર ડિમેરિટ પોઇન્ટ મળે, તો તે પ્રતિબંધ હેઠળ આવે છે. આનો અર્થ એ છે કે જો 16 જાન્યુઆરી 2020 પહેલા કોહલીને વધુ એક ડિમેરિટ પોઇન્ટ મળે, તો તેના પર પ્રતિબંધ મૂકવામાં આવશે.
