કુવૈત. કુવૈત ખાતે આજથી શરૂ થઈ રહેલ પહેલ વહેલા ભારતીય ફિલ્મોત્સવ પ્રસંગે ગત વર્ષે ધૂમ મચાવેલ યશ રાજ બેનરની અને શમિત અમિન દિગ્દર્શિત ફિલ્મ "ચક દે ઈન્ડિયા" સૌપ્રથમ બતાવવામાં આવશે. એટલે કે સમારંભની શરૂઆત જ ચક દે ઈન્ડિયા ફિલ્મથી થશે તેવી માહિતી પ્રાપ્ત થઇ હતી.
ફિલ્મોત્સવના આ ઉદ્ધાટન સમારંભમાં ચક દે ઈન્ડિયાની પાંચ હોકી પ્લેયરો પણ હાજર રહેશે જેમાં વિદ્યા માલવદે, શિલ્પા શુકલા, ચિત્રશી રાવત, આર્યા મેનન અને શુભી મહેતા શામેલ હશે. આ કલાકારો ભારતીય શાળાઓના બાળકો સાથે વાતચીત પણ કરશે.
ચક દે ઈન્ડિયા ઉપરાંત અન્ય બે બોલિવુડની હીટ ફિલ્મો વીરઝારા અને બ્લેક પણ અરેબિક ટાઈટલ સાથે ચાર દિવસના આ ફિલ્મોત્સવમાં બતાવવામાં આવશે. આ ફિલ્મોત્સવ કુવૈત નેશનલ સીનેમા કંપની સાથેની ભાગીદારીમાં આયોજીત કરવામાં આવ્યો છે.
અંત્રે નોંધનિય છે કે, કુવૈતના માહિતી વિભાગના મંત્રી શૈખ સબન ખાલેદ અલ હમાદ અલ સબાહ આ ફિલ્મોત્સવનું ઉદ્ઘાટન કરશે.
