મૉલમાં ગોળીબારના પ્રથમ સમાચાર સ્થાનિક સમયાનુસાર સવારે 11 વાગ્યે આવ્યા.
પોલીસના જણાવ્યા અનુસાર કેટલીય જગ્યાએથી ગોળીબાર સંબંધિત રિપોર્ટ્સ મળ્યા હતા, જેમાં 'સિએલો વિસ્તા મૉલ' અને 'વૉલમાર્ટ મૉલ'માં ગોળીબાર કરાયો હોવાનું જણાવાયું હતું. જોકે, અન્ય જગ્યાના સમાચાર સાચા નહોતા.
એલ પાસોના મેયર ડી માર્ગોએ સ્થાનિક ન્યૂઝ ચેનલ સાથે વાત કરતા ઘટના અંગે શોક વ્યક્ત કર્યો છે.
તેમણે જણાવ્યું, "એલ પાસોમાં આ પ્રકારની કોઈ ઘટના ઘટી શકે એવું અમે ક્યારેય વિચાર્યું પણ નહોતું."
