IND vs SL Asia Cup 2022: એશિયા કપ 2022 ની ફાઇનલમાં પહોંચવાનું ભારતીય ટીમનું સપનું અધુરુ રહી ગયુ. સુપર-2માં ટીમ ઈન્ડિયાને સતત બે હારનો સામનો કરવો પડ્યો છે. રવિવારે પાકિસ્તાન સામે હાર્યા બાદ શ્રીલંકાએ પણ મંગળવારે ભારતને હરાવ્યું હતું. આ સતત બે હાર બાદ ટીમ ઈન્ડિયાની એશિયા કપ 2022ની સફર લગભગ પૂરી થઈ ગઈ છે. ટીમ ઈન્ડિયા તેની છેલ્લી મેચ 8 ઓગસ્ટે અફઘાનિસ્તાન સામે રમશે. મેચનો અર્થ એ થશે કે જો અફઘાનિસ્તાન બુધવારે પાકિસ્તાનને હરાવી દે, નહીં તો ભારત બહાર થઈ જશે.
ટોસ હાર્યા બાદ પ્રથમ રમવા ઉતરેલી ભારતીય ટીમમાં દોડધામ મચી ગઈ હતી. બીજી ઓવરમાં જ વાઇસ કેપ્ટન કેએલ રાહુલ પેવેલિયન પરત ફર્યો હતો. આ પછી વિરાટ કોહલી ખાતું પણ ખોલી શક્યો નહોતો અને ક્લીન બોલ્ડ થયો હતો. ત્યારબાદ કેપ્ટન રોહિત શર્માએ મોરચો સંભાળ્યો અને 41 બોલમાં 72 રન બનાવ્યા, જેના કારણે ભારતે શ્રીલંકા સામે એશિયા કપ સુપર ફોર મેચમાં આઠ વિકેટે 173 રન બનાવ્યા. પ્રથમ બે વિકેટ વહેલી ગુમાવ્યા બાદ રોહિતે કેપ્ટનશીપની ઇનિંગ રમી હતી અને પાંચ ચોગ્ગા અને ચાર છગ્ગા ફટકાર્યા હતા. સૂર્યકુમાર યાદવે 29 બોલમાં 34 રન ફટકારીને તેને સારો સાથ આપ્યો હતો. બંનેએ ત્રીજી વિકેટ માટે 97 રન જોડ્યા હતા.
