સોની ટીવી પર આ અઠવાડિયે એક નવી સીરિયલ 'એક સપ્તાહ એસા..કભી સોચા ન થા' શરૂ થઈ છે. જેની વાર્તા શિવ મંદિરની બહાર ફૂલ વેચનારી એક છોકરી ગંગા પર કેન્દ્રીત છે. તે પોતાના બે નાના ભાઈઓનુ પેટ ભરવા માટે સખત મહેનત કરે છે. પરંતુ એક દિવસ તેમના જીવનમાં તોફાન આવી જાય છે. જ્યારે એ નદીમા વહેતા એક વ્યક્તિને બચાવીને પોતાની ઘરે લઈ જાય છે. એ અજાણી વ્યક્તિ પોતાની યાદદાસ્ત ગુમાવી બેસ્યો છે. પછી તેની યાદદાસ્ત તો પાછી આવે છે પરંતુ ગંગા મુસીબતમાં પડી જાય છે. નાદાન અને ભોળી છોકરી કેવી રીતે લાગણીઓમાં તણાઈને મુશ્કેલીમાં મુકાય જાય છે, એ જ આ વાર્તાનો રોમાંચ છે. પરંતુ દરેક મોરચે એ લડીને આ મુશ્કેલીમાંથી બહાર આવી જાય છે.
