બોલીવૂડની ફિલ્મોમાં 100 કરોડની કલબ શરૂ કરનાર સલ્લુ જ છે. તેણે કેટરીના, ઝરીન ખાન જેવી હિરોઇનોને ફિલ્મોમાં તક આપી છે. મેને પ્યાર કીયાથી કેરીયરની શરૂઆતમાં જ સુપરડુપર ફિલ્મ આપના સલમાને ત્યારબાદ પાછુ વળીને જોયુ નથી. જો કે તે એશ, શાહરૂખ જેવા સ્ટારકલાકારો સાથે ઘણો વિવાદમાં પણ રહ્યો છે. હમ દિલ દે ચુકે સનમ, હમ આપકે હૈ કૌન, દબંગ, હમ સાથ સાથ હૈ બાદ આ વર્ષે બજરંગી ભાઇજાન અને પ્રેમ રતન ધન પાયો જેવી સુપરડુપર હિટ ફિલ્મ આપી છે. તો ‘હિરો' ફિલ્મમાં નિર્માતા પણ બન્યા હતા. સલ્લુ બિગબોસ જેવા શો નું પણ સંચાલન કરી રહ્યા છે.
સલમાનને બોલીવુડમાં દિલદારનું પણ ખિતાબ આપવામાં આવ્યું છે. બીઇંગ હ્યુમન નામની ચેરીટી સંસ્થા પણ ચલાવી રહયો છે. બજરંગી ભાઇજાન અને બોલીવુડના 'સુલ્તાન' સલમાને ગઈકાલે રાતની પાર્ટી નવી મુંબઈના પનવેલમાં પોતાના ફાર્મ હાઉસ પર આપી. તેમા બોલીવુડના અનેક કલાકાર સામેલ થયા. આ તસ્વીરોને સલમાન ખાને પોતાના ફેસબુક પર શેયર કરી છે. તેમણે પોતાના ભાણેજ અને અર્પિતા ખાનના પુત્ર આહિલ સાથે કેક કાપ્યો.
