અફઘાનિસ્તાનથી નાટો અને અમેરિકા સૈનિકોની વાપસીના વચ્ચે તાલિબાનને અત્યાર સુધીની સૌથી મોટી સફળતા મળી છે. અફગાનિસ્તાનમાં તાલિબાનનો કહેર સતત ચાલુ છે. તાલિબાને શુક્રવારે અફઘાનિસ્તાનના બીજા મોટા શહેર કંધાર પર કબ્જો કરી લીધો છે. એવામાં હવે અફઘાનિસ્તાન સરકારના કબ્જામાં માત્ર રાજધાની કાબુલ અને અમુક અન્ય ભાગો જ બચ્યા છે. તાલિબાનના પ્રવકતાએ ટ્વિટ કરીને દાવો કર્યો છે કે કંધારને સંપૂર્ણપણે જીતી લેવામાં આવ્યુ છે, મુજાહિદ્દીન શહેરમાં માર્ટર્સ સ્કવાયર પહોંચી ગયા છે.
